منتدى خريجى وطلاب صيدلة الزقازيق










برجاء تسجيل دخولك فى المنتدى



منتدى خريجى وطلاب صيدلة الزقازيق

منتدى خريجى وطلاب صيدلة الزقازيق



نصائح غاليه للى عاوز يجيب الful mark فى الشفوى...............

شاطر
avatar
galaxy
فارس نشيط
فارس نشيط

انثى
تاريخ التسجيل : 24/11/2008
نقاط : 3568

نصائح غاليه للى عاوز يجيب الful mark فى الشفوى...............

مُساهمة من طرف galaxy في الثلاثاء يناير 27 2009, 03:13

ياجماعه ياريت الكل يقرا الموضوع وان شاء الله يارب يفيدنا جميعا وخصوصا اولى وتانيه حديث باعتبار طبعا ان خبرتنا بتكون قليله شويه..............

انا عارفه طبعا ان الكل خلص امتحانات معلش بقه بس السنين لسه جايه والامتحانات مفيش اكتر منها.....



ازاى تعدى امتحان الشفوى بنجاح ومن غير خسائر ان شاء الله؟؟؟!!!

طبعا امتحان الشفوى خطوه صعبه فى الامتحانات ويعتمد على الحظ الى حد ما
بس ممكن ميكونش كده ويعدي بسهوووووووووووله جدا لو في شويه نصائح اخدناها في اعتبارنا ودي اللي هنقولها دلوقتي....



* * حاجات مهمه لاااااااااااازم نعرفها قبل ما ندخل امتحان الشفوى:-1-


الثقه بالنفس من اهم العوامل اللى تخلى الدكتور يحس انك مذاكر.يعنى مش( تتهته) ادام الدكتور وتقطع فى الكلام ويستحسن انك تقول دايما الاجابه فى صورة3,2,1 وحتى لو مش عارف الاجابه جاوب سؤال تانى تكون مذاكره كويس وبمنتهى الثقه ولو الدكتور قالك :ايه ده يابنى مش هو ده السؤال .اتاسف منه واطلب اعاده السؤال .طبعا انت مش عارف الاجابه تقوم قايل مش متذكر مش فاكر وتحاول تبين انك بتعصر فى مخك &وكمان متحسسش الدكتور انك خايف منه جاوب السؤال بثقة وحسس الدكتور انه قاعد قدام اينشتين.

2-تجنب انك تقول للدكتور بكل ثقه انا مش مذاكر الجزء ده او اسالنى فى جزء الدكتور فلان اصلى مذاكره كويس اعتبر الصفر المتين هيشرف على طول.

3-أيضا من الحاجات المهمه انك متدخلش فى الاول فى امتحان الشفوى ياريت لو تستنى شوية عشان تعرف الدكتور بيسال فى ايه وعموما الاسئله بتكرر .وف نفس الوقت متدخلش متأخر علشان الدكتور ميلحقش يشوف مستوى الطلبة الدحيحة اللى يحسسوه ان مستوى الدفعة دى موس بالذات لو كان اكسترنال.

4-ايضا الطلبه اللى انت داخل معاهم تمتحن مهمين جدا مش تبقى مذاكر نص الماده وداخلى مع الاول عالدفعه او واحد بيجيب جيد جدا . نقى اتنين تلاته يكون مستواهم اقل منك وياحبذا لو فيهم واحد بواسطه عشان لو الدكتور حطله درجه كويسه هيدى للكل درجه كويسةوكمان يكون من أصحابك على أساس لو مجاوبتش سؤال ميقعدش يرفع ايده ويقول أجاوب انا. (بس انا هعرف منين انه الاول علي الدفعه اممممممممممممم)

5-حاول لو انت سايب جزء مش مذاكره انك تقراه مجرد قرايه مره واحده عشان لو اتسالت فى الشفوى فيه تعرف تقول حاجه .
فيه بعض الطلبه اللى بيطلع من الامتحان مش حالل كويس او بمعنى ادق عاكك الدنيا لما يدخل الشفوى يعيط ويقول للدكتور ادينى درجه حلوة اصلى محلتش كويس ويفتكر انه كده هيصعب عالدكتور بالعكس الصفر المتين هيشرف على طول .

6- لوالدكتور externalوسالك ايه اخبار الامتحان بدون تردد تقوله: كان كويس جدا والحمد لله وحتي لو سالك سؤال فيه جاوب اللي تعرفه بس المهم متقولش ان الامتحان كان زي الزفت او وحش او او.... علشان الدكتور ممكن يتضايق .


7-بعد الدكتور يقول لكم اتفضلوا امشوا متفضلش تبص عليه وهو بيكتب الدرجه وتروح يمين وشمال عشان تشوف الدرجه طبعا الدكتور بيتنرفز جدا وينقص من الدرجات .
8- دايما الطلبه بيخافوا من الدكاتره الاكسترنال مع انهم غالبا بيبقوا افضل من دكاترة الكلية علشان دكتور الاكسترنال مش عارف ايه اتشرح بالضبط للطلبه فبيسأل من ورقة الامتحان علشان كده مهم جدا حل ورقة الامتحان كلها قبل دخول الشفوى.
9-
الابتسام ثم الابتسام في وجه الدكتور لان ده بيسيب اثر طيب في نفس الدكتور وبيخليه ياخد عنك انطباعكويس والانطباعات الاولي تدوم
.

10-
ركز في الاسئله و حاول دايما انك تكون باصص للدكتور ومش مشغول عنه بحاجه تانيه يعني ما تقعدش تبص للورق اللي معاه او ورقة الدرجات او اي حاجه في
الاوضه ، حسس الدكتور انك مركز معاه
.

11-
ما تسمعش لكلام الزملاء عن ان الدكتور ده صعب او اندرجاته مش كويسه ،ده بيخليك داخل خايف منه وممكن ياثر في نفسيتك ويخليك تنسي الاجابات ولما الدكتور يحس انك خايف منه ممكن يستعرض عضلاته عليك في الاسئله
.

12-
دايما قبل الامتحان خليك مع نفسك وحاول تركز المعلومات اللي في دماغك ولو حاجه مش فاكرها بص عليها بصه سريعه ،وما تحاولش تسمع كلام الناس اللي حواليك عن ان الامتحان كان صعب وابعد تماما عن الناس اللي بتعيط واللي بيغمي عليها
لان دول بيشتتوا التفكير و عادة في الآخر بيكونوا جايبين درجات كويسه
.

13-
حذاري ثم حذاري من كلمة الدكتور ما شرحهاش بالتفصيل او قال العناوين بس لان المفروض انك طالب جامعي يعني تاخد العناوين وتشوف الماده العلميه في المكتبه( ده رأي الدكاتره مش رأيي خالص
)

14- المأوحه
اياك والمجادله ( المأوحه ) يعني لو قالك غلط خلاص يبقي غلط ما فيش داعي (للفزلكة( و لا دانا لسه قريها اوالدكتور قالهالنا كده ، الحاجات دي بتنرفز الدكتوروتخليه مش طايقك وده بينعكس طبعا علي الدرجه .

15-احذر من ادراج عنواين او مواضيع في اجاباتك تجر بيها الدكتور لاسئله ما تعرفش تجاوب عليها يعني لوفيه جزء انت مش عارفه او مش مذاكره كويس اوعي تجيب سيرته من الاول علشان الدكتور ما يسألكش فيه.(يعني بلااااااااااااااااااااااااااااااااش الفزلكه خااااااااااااااااااااااااااالص وحاول ت جاوب علي قد السؤال بسسس)


16- ودي مهمه جداااااااااااا قبل الامتحان لازم تقرأ قرآن كتير وادعيه علشان ربنا يقف معاك وده بيزود ثقتك بنفسك.



سورة طه :
"رَبِّ اشْرَحْ لِي صَدْرِي وَيَسِّرْ لِي أَمْرِي وَاحْلُلْ عُقْدَةً مِّن لِّسَانِي يَفْقَهُوا قَوْلِي "


سورة يس:

"وَجَعَلْنَا مِن بَيْنِ أَيْدِيهِمْ سَدًّا وَمِنْ خَلْفِهِمْ سَدًّافَأَغْشَيْنَاهُمْ فَهُمْ لاَ يُبْصِرُونَ "




0 000 وفي ادعيه تانيه كتير منها:

** رب ادخلني مخرج صدق واخرجني مخرج صدق واجعل لي من لدنك سلطانا نصيرا**

*اللهم لا سهل الا ماجعلته سهلا*

واخيرا الثقه بالنفس ثم الثقه بالنفس ثم الثقه بالنفس
لانها من عوامل النجاح فعلا


سورى طولت عليكم................................



مع تمنياتي للجميع بالنجاح والتوفيق دائما
avatar
DR:MIDO
المدير العام
المدير العام

ذكر
تاريخ التسجيل : 25/11/2007
نقاط : 10578

رد: نصائح غاليه للى عاوز يجيب الful mark فى الشفوى...............

مُساهمة من طرف DR:MIDO في الثلاثاء يناير 27 2009, 12:42

كلام جميل اوى يا جالكسى ميرسى على المعلومات الحلوه ديه






avatar
loa
أجمل فارس
أجمل فارس

انثى
تاريخ التسجيل : 01/12/2008
نقاط : 7257

رد: نصائح غاليه للى عاوز يجيب الful mark فى الشفوى...............

مُساهمة من طرف loa في الثلاثاء يناير 27 2009, 13:20

كلام حلو اوووووووووى
avatar
alaagawesh
أجمل فارس
أجمل فارس

ذكر
تاريخ التسجيل : 01/07/2008
نقاط : 4814

رد: نصائح غاليه للى عاوز يجيب الful mark فى الشفوى...............

مُساهمة من طرف alaagawesh في الثلاثاء يناير 27 2009, 14:28

ربنا يوفقنا
حلو اوي التبك ده يا جالكسي
avatar
lola4
فارس ملكى
فارس ملكى

انثى
تاريخ التسجيل : 04/12/2008
نقاط : 4024

رد: نصائح غاليه للى عاوز يجيب الful mark فى الشفوى...............

مُساهمة من طرف lola4 في الثلاثاء يناير 27 2009, 17:28

موضوع جميل قوى يا جالكسى
avatar
galaxy
فارس نشيط
فارس نشيط

انثى
تاريخ التسجيل : 24/11/2008
نقاط : 3568

رد: نصائح غاليه للى عاوز يجيب الful mark فى الشفوى...............

مُساهمة من طرف galaxy في الأربعاء يناير 28 2009, 02:34

ميرسى اوى على مروركم الجمييييييييييل ده....

ويارب يكون الموضوع افادكم
avatar
مشمشه
فارس نشيط
فارس نشيط

انثى
تاريخ التسجيل : 16/07/2008
نقاط : 3670

رد: نصائح غاليه للى عاوز يجيب الful mark فى الشفوى...............

مُساهمة من طرف مشمشه في الإثنين فبراير 02 2009, 17:45

موضوع حلو اوى
شكرا جالكسى
avatar
the big heart
فارس ملكى
فارس ملكى

انثى
تاريخ التسجيل : 09/11/2008
نقاط : 3945

رد: نصائح غاليه للى عاوز يجيب الful mark فى الشفوى...............

مُساهمة من طرف the big heart في الإثنين فبراير 02 2009, 20:30

ميرسى ياقمر

بجد موضوع جميييييييييل
وفعلا عندك حق فى كل الكلام ده
الشفوى ده محتاج زكاء اكتر ماهو محتاج مزاكره
avatar
galaxy
فارس نشيط
فارس نشيط

انثى
تاريخ التسجيل : 24/11/2008
نقاط : 3568

رد: نصائح غاليه للى عاوز يجيب الful mark فى الشفوى...............

مُساهمة من طرف galaxy في الإثنين فبراير 02 2009, 23:19

ميرسى هارت ومشمشه عالمرور
فعلا الشفوى بيضايق ناس كتييييير بس اهم حاجه فيه الثقه بالنفس.........
avatar
shosho
فارس ملكى
فارس ملكى

انثى
تاريخ التسجيل : 23/11/2008
نقاط : 4349

رد: نصائح غاليه للى عاوز يجيب الful mark فى الشفوى...............

مُساهمة من طرف shosho في الجمعة فبراير 20 2009, 17:24

هههههههههههههههههه .فعلا ده اللى بيحصل ميرسى جدا ياجالكسى على النصايح دى
avatar
Akram
فارس نشيط
فارس نشيط

ذكر
تاريخ التسجيل : 15/02/2009
نقاط : 3587

رد: نصائح غاليه للى عاوز يجيب الful mark فى الشفوى...............

مُساهمة من طرف Akram في الجمعة فبراير 20 2009, 18:16

شكرررررررررررررررررررررررا
avatar
سلمى
فارس ملكى
فارس ملكى

انثى
تاريخ التسجيل : 01/04/2009
نقاط : 4233

رد: نصائح غاليه للى عاوز يجيب الful mark فى الشفوى...............

مُساهمة من طرف سلمى في الأحد أغسطس 23 2009, 17:17

:1:

    الوقت/التاريخ الآن هو الخميس سبتمبر 20 2018, 21:06