من طرف sahoooo الثلاثاء يوليو 22 2008, 14:05[b]هاي ياجماعه انا جايبه حاجه مش للبنات بس كمان للولاد بوجه خاص يمكن لأن البنت بتهتم بسنانها اكتر من الولد طبعا مش دايما بس غالبا لأن الولاد غلبا بيشربوا سجاير وشاي وقهوه كتير وده بيغير لون الأسنان المهم الوصفات اللي انا جايباها سهله وموجوده في اي بيت مش هنقول انها حاجه هطلع اجيبها من بره بالكتير لو حد فينا مكسل يقوم يجبها بما اننا في اجازه و واخدينها نوم ينادي على اخوه الصغير يجبهالوه بس مش هيقوم يغسلك سنانك بيها طبعا يعني هتتعبوا شويه لمدة خمس دقايق الوصفات هي كالأتي...:
1) حط شوية عسل على فرشاة الأسنان وبعد كده حطوا المعجون عليها واغسلوا أسنانكم وشوفوا الفرق وادعولي
2)حتة قماش صغننه وعليها شوية عصير ليمون طبعا من غير سكر اصل كده هنبوظها خالص وامسحوا اسنانكم بيها عدة مرات
3)شوية كربوناته على الفرشه واغسلوا أسنانكم بيها
4)للمدخنين دي صعبه شويه بس بتجيب نتيجه كويسه على حسب ماعرفت بناخد شوية مرمريه عارفينها لو ماتعرفوهاش اسألوا ماما عليها وشوية ملح خشن وضعوها على الفرشه واغسلوا سنانكم بيها.....
ياريت بقى لما سنانكم تبيض وتدعولي ان شاء الله نحافظ عليها لأنها بجد نعمه ماحدش حاسس بيها انا بالنسبالي كفايه لما اَضحك وسناني بيضا بيكون شكلي كويس غير لما تكون سنانك لون غير متعارف عليه خالص وده بيدي انطباع عن الواحد ان مجرد اهتمامه بسنانه معناه انه مهتم بصحته ومنظم في باقي حياته غير ان كل ماكانت سنانك نضيفه كل ماكانت رائحة الفم كويسه وانت بتكلم الناس لأن دي مشكله ممكن تعاني منها من حد بيكلمك بس رائحة فمه مش كويسه بتدايق حتى انك تكلمه وتتمنى ماتشوفوش فتخيل لو انت في الموقف ده....
سوري طولت عليكم بس اعمل ايه رغايه وبحب الكلام الكتير ....
[/b]
