اه من حواء واللي بتعمله في ادم

---

معلش استحملوني شويه لو طولت وحاولوا يا بنات حواء الاجابه بصراحه
في ممكن بنت تقول بحبك وهي متحبكش؟ ممكن بنت بعد فتره معرفه ارتباط طويله وبتقوله انا مقدرش استغني عنك تسيبه مع اول ظهور انسان جاهز في حياتها؟ ممكن حد يجوبني ممكن بنت تكون مرتبطه بواحد وتاني يوم ترتبط بحد تاني؟ في حد يقدر يعمل كده ويعيش حياه طبيعيه؟؟؟
الاسئله باختصار ده بدايه لقصه حصلت بين ادم خريج كليه مرموقه زي مبيقولوا مع وحواء زميلته اصغر منه بسنتين
ارتبطوا مع بعض بالحب والكلام وانا مقدرش استغني عنك واموت لو بعدت عني والواد من حبه فيها وهو لسه في بدايه مستقبله قرر يروح يخطبها من اهلها اول مخلصت كليتها وكالعاده الاهل قالولوا انت لسه في بدايه حياتك قالهم انا حتعب لاني بحبها وخصوصا ان مستقبيلي كويس وخلال 3 سنين حكون انسان ممتاز قالولوا انت كويس وابن ناس ونديك فرصه لحد متقف علي رجليك الواد طار من السعاده وقال الحمد لله ربنا كرمني وسهلها عليا وبعد الكلام مع اهلها وفي اقل من شهر كان متقدملها عريس كويس غني ومعاه فلوس كتير..................... ياتري ايه اللي حيحصل من البنت اللي بدوب في صاحبنا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟ بعد تفكير لمده 3 ايام كلمت صاحبنا وقالتله معلش اهلي موافقين علي العريس ومش قادره ارفض مينفعش اهلي يكونوا بيعملوا حاجه ويتفقوا مع العريس وانا مرتبطه بيك معلش لازم نبعد عن بعض علشان مش عارفه اقول لاهلي لاااااا اصل الجواز قسمه ونصيب ولو كنت نصيب حتتجوزني غصب عن الجميع...................... وسكت ادم عن الكلام وينتظر راي بنات حواء بصراحه وحياد ياتري ادم غلط في القصه ده ؟ ياتري ده تفكير حواء الزمان ده؟قولوا لادم يعمل ايه وايه الغلط اللي وقع فيه؟ وشكرا ونعتذر للتطويل افيدوا ادم الغلبان

ادم مغلطش فى حاجه
اما حواء هى واهلها غلطو لان دى مش الاصول
والانسان ما هو الا موقف وكلمه
اهلها وافقوا يعنى بقوا مخطوبين ازاى يوافقوا بعريس تانى وهى مخطوبه ده حتى حرام شرعا اللى يخطب على خطبه اخيه
وهى مش تستاهلك

وكويس ان ده حصل قبل ما تدبس بلغتكم يعنى
لان مش دى اللى تامنها على حياتك وبيتك
لانها باعتك عند اول الطريق بمجرد انه اتقدملها واحد اغنى
لا تبكى على اللبن المسكوب

يا بنى خدها منى نصيحة:البنت لما تكون بتحبك بجد (مستحيل) تقولك الكلمة دى(بحبك) الا وانتوا مرتبطين بشكل رسمى ..........لكن اى واحدة تقولهالك او مجرد انها تسمح انكم تعيشوا الدور وتقعدوا تحبوا فى بعض للدرجة دى فاعرف انها بتلعب بيك وبتتسلى لحد متلاقى واحد (جاهز) واى واد يصدق يبقى يستاهل ..........عامللى فيها روميو!!..يابنى ياحبيبى الدنيا مبقاش فيها امان!!!

تصدق فعلا الكلام اللى انت بتقوله ده صح
مفيش واحده تحب واحد وتقوله الا ما يكونو مرتبطين فعلا

شكرا يا زهراء ...انا مش بقول الا الكلام الخلاصة!!

اولا الموضوع رائع بجد يا بيكو


ثانيا مين قال ان مفيش وحده بتقول لحد انها بتحبه إلا بعد الجواز او الأرتباط


لالالالالا الواحد لازم يعرف هيه بتحبه ولا لاء وبعدين صعبه شويه على بنت تقول لواحد انها بتحبه وهيه مش بتحبه ديه تبقه من الأخر وطيه

آه ممكن تعرف انها بتحبك...لكن هى تقولك مباشرة:لالالا.......صعبة اوى دى يا ميدو

لا يا مان مش صعبه ولا حاجه لو بتحبك هتقولك صدقنى



بيقولك اسأل مجرب ولا تسالش طبيب

يعنى مثلا انت لما تحب وحده وعاوز تتأكد انها بتحبها ومش عارف بس عارف انها ممكن تكون مش بتحبك

وتيجى وحده تنيه تقولك انها بتحبك وانت اتأكدت من كده هتعمل ايه يا بوب

يادكتور هى ممكن تعبر عن حبها بكلمه تانيه طريق تانيه
مش تقوله بحبك كده مره واحده
الكلام ده مش على البنت لوحدها لا والولد كمان مش يقولها برده مباشره
لان الايام دى عادت زى اللبانه كل ثانيه بتتقال وبكده بتفقد رونقها

صح
والاختلاف فى الراى لا يفسد للود قضيه

شكرا ع الموضوع
بس انتم ظلمين البنات اوي

اولا هي بيج بوس
متدمريش اللغة
شكرا علي المشاركة الفاالة يا جماعة
الموضوع يا جماعة مش مستاهل انكو تتخانقو مش كده يا ابراهيم

يا عم هم من زمان وهم بيعملوا كتير
وقدام هيعملوا اكتر بكتير
مين؟
بنات حواء