طرق الزواج

اسلام منسي: أجمل فارس; تاريخ التسجيل : 04/02/2009
نقاط : 8917

مساهمة رقم 1

طرق الزواج

مُساهمة من طرف اسلام منسي الأربعاء أبريل 29 2009, 06:06

مصر الفرعونية

بابا انا عايز
اتجوز اختى حت حور
خلاص يا ابنى خليها تنقل حاجتها فى قوضتك.. وابقى هاتلها
حجرين صوان هدية..
مبروك يا تاح

مصر فى عصر
الرومان

تتجوزينى يا افروديت
اتجوزك يا بانسيلوس
يللا بينا
نبنى كوخ ع البحر ونعيش هناك يللا

مصر بعد الفتح
الاسلامى

ولدى خالد يا شيخ احمد بيريد يتجوز ابنتك البكر الكريمة..
وبيبنى خيمة.. ويقدم مهر بعير
والله خالد ولدك زين الرجال .. وايش اتمنى غير رجل
صالح يكون زوج لبنتى ..

وكما قال رسول الله صلى الله عليه وسلم ' ان جاءكم
من ترضون دينه وخلقه فزوجوه ' ....

مصر 1919

انت ح تتجوز بنت الحاج عبد الجليل .. انا كلمته
خلاص ووافق .. وضب قوضتك وهات خلخال .. فرحك يوم الخميس اللى جاى
طب مش اشوفها
الاول يابا
انت اتجننت يا ولد تشوفها ده ايه .. انت ح تتجوز والا تخبص
حاضر
يابا

مصر 1960

بقى يا ستى بنتك آمال جالها
عريس
ياألف نهار ابيض يا ألف نهار مبروك
جدع طيب وابن حلال موظف فى الحقانية
.. وماهيته مش بطالة .. اهو يبنوا حياتهم سوا بعد الجواز.. والا ايه رأيك يا أم
العروسة؟
الرأى رأيك يا أبو العروسة .. والله العيال ح يعجزونا يا ابو
محمد
فشر .. تدبل الوردة وريحتها فيها يا نرجوستى

مصر فى
عصر الانفتاح

اخرسى يا بنت... انا اللى يتجوز بنتى لازم يكون عنده
شقة تمليك وعربية وسوبر ماركو
بس يا ماما
ما فيش بس.. انا وابوكى قبل ما يموت
فى الحرب كانت بتعدى علينا ايام ما بنلاقيش ناكل.. انا يا بنتى مش عايزاكى تتعذبى
زى ما احنا اتعذبنا.. انتى ح تتجوزى فتحى ابن خالتك
بس انا مش بحبه يا
ماما
الحب ما بيأكلش تونة فى الزمن ده يا فالحة
امرك يا ماما

مصر 1990

البنت: بابا ريكو حييجى يقابلك بكره وهو راجع من
المول مع ديدى متتكلمش معاه فى اى ماديات من فضلك انا بشترى راجل واحنا معانا كتير
وبعدين الكلام فى المهر والعفش والقايمه والفرح ده موضه قديمه وحاجات بلدى
ياى
انا اتفقت معاه على كل حاجه والفرح فى كافيه ماريانو فى المعادى على الضيق
كده وانا جيت اعزمك انت ومامى
الاب: مبروك يا حبيبتى

مصر
2008

بابى دودى على اللى اتعرفت عليه من الشات مشغل الويب كام و عايز
يكلمك علشان يقراء معاك الفتحه اصله ملتزم اوى و مصمم يدخل البيت من ماسنجره اقصدى
من بابه
الاب: على خيرة الله يا بنتى ده شكله فعلا ملتزم روحى شغلى الكاميرا و
الميك واناهلبس انا و مامتك ونجى نقراء الفتحه مش انتوا اتفقت على كل شى يا روحى
يلا ربنا يتمملكم بخير

ولسه
الله اعلم
باللي
جاااااااي

lola4

lola4: فارس ملكى; تاريخ التسجيل : 04/12/2008
نقاط : 6092

مساهمة رقم 2

رد: طرق الزواج

مُساهمة من طرف lola4 الأربعاء أبريل 29 2009, 15:34

ولسه ربنا يستــــــــــــــر و يرحمنا
توبيك حلــــــــــــــو يا اسلام

DR:MIDO

DR:MIDO: المدير العام; تاريخ التسجيل : 25/11/2007
نقاط : 12646

مساهمة رقم 3

رد: طرق الزواج

مُساهمة من طرف DR:MIDO الأربعاء أبريل 29 2009, 16:41

هنعيش ونشوف حجات عجيبه

Rody

Rody: أجمل فارس; تاريخ التسجيل : 03/03/2009
نقاط : 8668

مساهمة رقم 4

رد: طرق الزواج

مُساهمة من طرف Rody الأحد مايو 03 2009, 17:32

لا مش هاتوصل زواج من الشات يعنى

بس محدش عارف برضه ربنا يستر

lovelygirl

lovelygirl: فارس ملكى; تاريخ التسجيل : 18/02/2009
نقاط : 6394

مساهمة رقم 5

رد: طرق الزواج

مُساهمة من طرف lovelygirl الأحد مايو 03 2009, 17:35

بابى دودى على اللى اتعرفت عليه من الشات مشغل الويب كام و عايز
يكلمك علشان يقراء معاك الفتحه اصله ملتزم اوى و مصمم يدخل البيت من ماسنجره اقصدى
من بابه
الاب: على خيرة الله يا بنتى ده شكله فعلا ملتزم روحى شغلى الكاميرا و
الميك واناهلبس انا و مامتك ونجى نقراء الفتحه مش انتوا اتفقت على كل شى يا روحى
يلا ربنا يتمملكم بخير
ربنا يستر وناويين يعملوا الفرح ف النت بردهههههههههه ربنا يستر