يوميات شكل وغيبوبه .. يوميات اسرة غريبه .. حلقات متجدده

sika

sika: فارس نشيط; تاريخ التسجيل : 20/03/2009
نقاط : 6053

مساهمة رقم 1

يوميات شكل وغيبوبه .. يوميات اسرة غريبه .. حلقات متجدده

مُساهمة من طرف sika السبت يوليو 11 2009, 02:00

29 / 5 / 2002 .. انا الاستاذ شكل وحرمنا المصون الانسه غيبوبه .. قررنا ان نقوم برحله عائليه مسليه السيده زينب
وكانت هذه هيا مذكرات ما حدث يومها :
غيبوبه : اصحى بقه يا شكل .. اصحى يا زفتى
شكل : نعم .. صاحى ياغيبوبه
غيبوبه : ايه .. اصلح انبوبه .. حاضر
شكل : يا بنتى .. صحى الولاد سيبيلى الانبوبه
غيبوبه : حاضر
شكل : يقطع الجواز والى التجوزه
و فى غرفة ابو لبيب وزئرده ( الاولاد )
غيبوبه : اصحوا يا ولاد .. اصحوا ورانا رحله
ابو لبيب : فى ايه يا ماما .. اساعه سبعه ؟.. رحلة ايه دى
غيبوبه : اصحى ياواد .. اصحى وصحى زئرده اختك
ابو لبيب : حاضر يا ماما .. اصحى يا زئرده
زئرده : انا منمتش
ابو لبيب : ليه بس
زئرده : الجيران مش بيبطلوا زعيئ من امبارح
ابو لبيب : طب احنا دلوقتى فالصبح .. اصحى بقه
زئرده : في فطار
غيبوبه : الفطار يا ولاد .. ابو ابو لبيب .. يلا الاكل
ابو لبيب : اتهى قلتلك
زئرده : هتوضى وصلى واجى
ابو لبيب : وانا وراكى
بعد الصلاة .. ع الفطار
شكل : ابداو الفطار يا ولاد
الكل : بسم الله
زئرده : بابا .. كان فى موضوع عايزة اكلمك فيه
شكل : هلو هلو .. هلو بالافراح هلو
زئرده : عايزة 50 جنيه
شكل : ايه ؟ ولا 50 قرش حتى
زئرده : بابا .. لاوازم الرحله
شكل : حببتى .. مشى نفسك ب 10 جنيه
زئرده : ماشى
وبعد الفطار .. تم صلاة الضهر وخرجت العائله للرحله
غيبوبه : احنا فين يا شكل .. بقلنا سعتين ماشين
شكل : وللهى مانا عارف احنا فين
ابو لبيب : امال احنا ماشين من جهة ايه
شكل : الخطا يعلم الانسان
غيبوبه : مش لو كنا ماشين فى حته فيه تنتوفة واحد
شكل : هوووس .. ولا كلمه منك ليها
زئرده : خليك ورا الكداب لحد باب الدار
شكل : ايه ؟ تقصدى اي ب الدار ؟ اهو عشان كده ، مش هنروح فحته وهنفضل هنا
غيبوبه : حجة البليد مسح السبورة .. مش لما نلاقى حته نعرفها يا ابو ابو لبيب
شكل : استنوا .. المقطم يا ريس .. المقطم
وبعد اكتر من خمس ساعات .. وصل الابطال للبيت
ابو لبيب : هه هه هه .. الحمد لله ممتناش ووصلنا ارض الوطن
غيبوبه : هه هه هه هه هه .. يلا .. هه .. خشوا ناموا يا ولاد .. بقينا باليل
زئرده : اه
شكل : هه هه هه هه هه هه .. شيلى .. هه.. زئرده يا غيبوبه .. هه .. ووديها .. السرير
غيبوبه : خليهالك
شكل : غيبوبه .. غيبوبه .. خليها .. حيحصلها ايه

هههههههههههههههههههههههههههههههههههههههه

نشوفكم فجزء تانى ان شاء الله ومزكرات تانيه

sika

sika: فارس نشيط; تاريخ التسجيل : 20/03/2009
نقاط : 6053

مساهمة رقم 2

رد: يوميات شكل وغيبوبه .. يوميات اسرة غريبه .. حلقات متجدده

مُساهمة من طرف sika السبت يوليو 11 2009, 02:09

مستني ردودكم عشان نشوف اكمل ولالا ؟؟؟؟؟؟؟؟

DR:MIDO

DR:MIDO: المدير العام; تاريخ التسجيل : 25/11/2007
نقاط : 12647

مساهمة رقم 3

رد: يوميات شكل وغيبوبه .. يوميات اسرة غريبه .. حلقات متجدده

مُساهمة من طرف DR:MIDO السبت يوليو 11 2009, 03:41

جااااااااامده يا مان كمل بس كل يوم وحده علشان نتابع

sika

sika: فارس نشيط; تاريخ التسجيل : 20/03/2009
نقاط : 6053

مساهمة رقم 4

رد: يوميات شكل وغيبوبه .. يوميات اسرة غريبه .. حلقات متجدده

مُساهمة من طرف sika الإثنين يوليو 13 2009, 00:30

عشان خاطرك اوك بس حاسس ان مفيش اهتمام

sika

sika: فارس نشيط; تاريخ التسجيل : 20/03/2009
نقاط : 6053

مساهمة رقم 5

رد: يوميات شكل وغيبوبه .. يوميات اسرة غريبه .. حلقات متجدده

مُساهمة من طرف sika الإثنين يوليو 13 2009, 00:35

الحلقه الثانيه : -

30 - 05 - 2002 .. يوم جديد من يومياتى انا وغيبوبه

قررت اليوم انا وغيبوبة الذهاب الى عم الاولاد لزيارته
وكانت هذه احداث اليوم :

فى الصباح ..

غيبوبه : شكل .. اصحى يا شكل .. التليفون بيرن
زئرده : يا بابا .. يا بااابا .. التليفون بييييييرن
غيبوبه : بنتك بتنادى
شكل : نعم .. ميرن .. حقه
غيبوبه : يعنى ايه .. قوم رد
شكل : حاضر .. هنجيب سكيرتيرة ترد ع التليفون بعد كده

عند التليفون :

شكل : نعم
؟؟؟ : فى حد يرد كده
شكل : مزاجى .. عايز ايه
؟؟؟ : انا الى بتشوفه كل يوم
شكل : بطل هبل .. انت مين
؟؟؟ : انا مدير الشركه
شكل : ايه ؟؟؟؟؟؟؟؟؟ معلش .. كنت نايم
المدير : طيب .. تعالى بسرعه
شكل : حاضر

وكان شكل فى ربع ساعه لابس وعلى الفطار عدل

شكل : فين الفطااااااااااااااار
غيبوبه : ايه .. بنجيبه .. يلا .... اتزفت اطفح
شكل : فين الميه
غيبوبه : اهيه .. انشله تقف الميه فزورك تموت يابعيد
ابو لبيب : بابا ... سامع ماما بتقول عليك ايه
شكل : سامع ... هعمل ايه ... هوقف الميه فزورى
ابو لبيب : لا .. مش دى .. دى حاجه تافهه
شكل : اه .. ايه ؟؟؟؟ هو فى حجات تانيه ؟؟
ابو لبيب : ييييييه .. كتييييييييييير
زئرده : منك لله .. فضحت ماما
شكل : ايه ده .. بتحدفونى لبعض .. احترموا نفسكم
انا ماشى

خرج شكل وهو هيموت من الفرسه
وفى الشغل ..

شكل : ممكن ادخل للمدير ؟؟
السكرتيرة : اه .. انت الاستاذ شكله وحش ؟؟
شكل : اه .. ايه .. شكله وحش مين ؟؟ انا الاستاذ شكل
السكرتيرة : اه .. اسفه .. عندك عقده
شكل : دخلينى بدل مخنقك
السكرتيرة : حاضر حاضر .. اتفضل

وعند المدير ..

شكل : السلامو عليكم
المدير : اتفضل .. منا فاضى ليك
شكل : حضرتك كان فى مشكلبه عائليه بينى وبين مراتى
المدير : اه .. مدام مفمى عليها
شكل : هو فى ايه النهار ده .. اسمها غيبوبه حضرتك
المدير : اه اه .. مش مهم
شكل : امرى لله
المدير : كان عندك شغل امبارح يا استاذ ومشيت من غير ما تكمله
شكل : بنتى كانت بتتصرمح ايه .. قصدى تايهه
المدير : يا سلام .. امال ليه قلت للمهندسين انك رايح فرح
شكل : مهو الفرح كان بتاع صحبة بنتى .. وهى تاهت وهى رايحه .. فنزلنا ندور عليها

وفثانيه ..

؟؟؟ : افتحيلى
السكرتيرة : مينفعش دلوقتى
؟؟؟ : ايه رايك .. اهوه
المدير : ايه الى بيحصل ده
السكرتيرة : اسفه .. هى الى اقتحمت
؟؟؟ : انا زئرده بنت الاستاذ شكل
شكل : يادى الكسوف
المدير : مش مهم .. اتفضلى يا بنتى
زئرده : بابا .. ماما بتقلك اهرب من الشغل زى امبارح عشان نروح لعمى
شكل : حسبى الله ونعم الوكيل فيكى انتى وامك .. اشفكم بتولعوا ومفيش طفايه واحده

وفثانيه برضه ..

المدير : امش يا كداب .. انت مطرود
شكل : انت مش فاهم بس
المدير : مش فاهم ايه بس .. ميمكن لو فهمت الاقى حد جاى يقولك تروح معاه للمقابر
شكل : طيب .. انا قدمت استقالتى
المدير : مرفوضه ... وبرضه مطرود
شكل : طيب
المدير : برررررررره

وبعد ساعتين ..

شكل : فين البت زئرده
غيبوبه : ليه بس متعصب
شكل : وانتى كمان .. انتى ، كماااان .. بعته ، بنتك علشان تفضحنى
غيبوبه : وللهى هىت من نفسها
شكل : اهو انا اترفدت .. هعمل ايه
ابو لبيب : ان شاء الله رفد موئقت يا بابا
شكل : اهو .. الوقت اتاخر دلوقتى .. مش هنعرف نخرج
هنتعشى ونام
ابو لبيب : عشى ايه يا بابا الساعه 4 ده
شكل : انا هنام .. ملكش دعوه

اتغدى الجميع وناموا لحد الساعه 6 ..

شكل : اصحى يا غيبوبه التليفون بيرن
غيبوبه : حاضر

وبعد شويه ..

شكل : هى غيبوبه ماتت ولا ايه .. غيبوبه .. غيبوبه
الحمد لله ماتت .. انام بقه

ههههههههههههههههههههههههههههه

تابعونا فى جزء اخر

sika

sika: فارس نشيط; تاريخ التسجيل : 20/03/2009
نقاط : 6053

مساهمة رقم 6

رد: يوميات شكل وغيبوبه .. يوميات اسرة غريبه .. حلقات متجدده

مُساهمة من طرف sika الإثنين يوليو 13 2009, 00:39

اهئ اهئ اهئ اهئ
1 - 06 - 2002 م
انتقلت الى رحمة الله تعالى ام حرمنا المصون ( غيبوبه )
بس بصراحه مكنش حد حاسس بالسعاده الى جوايه اول ما عرفت الخبر ده
ومن عشمى ان محدش يعرف مين الى [ قتل ] ام غيبوبه
قررت انا بنفسى استاذ شكل احقق بالجريمه دى
وكانت دى احداث اليوم الفرح ده

الصبح ...

غيبوبه : يا لهوااااااااااااااااى .. يا خرااااااااااااااااااااااابى
شكل : ايه ايه يا غيبوبه .. ايه الى حصل
غيبوبه : ماتت .. ماتت يا اخويا
شكل : مين !! زئرده
غيبوبه : لا .. العزيزة الغاليه يا حبيبى .. امى
شكل : احسن برضه
غيبوبه : ايه !!!!!!!!!!!!!!!!!!!
شكل : قصدى .. احسن انه مكنش فولدنا يعنى
غيبوبه : اتقتلت .. البعيد قتلها يا اخويا
شكل : اخويا اخويا .. انا جوزك .. فى حد تانى فحياتك يا غيبوبه هانم
غيبوبه : شكل .. اقولك .. نام ، نام احسن
شكل : خلاص .. انا هحقق بنفسى فى القضيه دى
غيبوبه : بلاش .. بلاش انته يا شكل .. فاكر المرة الى انته حققت فيها عن الى سرق ساعة ابو لبيب .. وفى النهايه طلعت ابو لبيب
هو الى سرقها
شكل : خلااااااص .. انا هحقق لكن باسلوب تانى

وفى غرفة ابو لبيب وزئرده ..

زئرده : اهئ .. اهئ
ابو لبيب : خلاص .. عرفنا انك زعلانه
زئرده : مش عشان تيته
ابو لبيب : امال عشان مين
زئرده : عشان بابا عو الى هيحقق .. ربما يوصل انك او ماما او انا او هو نفسه الى قتل

فى نفس اللحظه ..

شكل : باى يا ولاد
ابو لبيب : بابا ... وتيته
شكل : تتدعق .. هه .. قصدى ؟ .. هاجى احقق بعد شويه

وبعد ما خرج شكل ..

ابو لبيب : انا مش مرتاح المرة دى
زئرده : قال ايه انت كنت ارتحت قبل كده بقه
ابو لبيب : اخرسى .. لازم اكلم البوليس
زئرده : بابا لو عرف ممكن يرتكب جنايه
ابو لبيب : مش مهم ... الو ، قسم الشرطه .. بلاغ عن جرسيمة قتل .. حاضر ... العنوان ....................

وبعد ربع ساعه ..

طق طق طق
غيبوبه : مين ... اهئ
؟؟؟ : افتحوا
ابو لبيب : خشى انتى يا ماما .. حاضر
الضابط : جالنا بلاغ بجريمة قتل
ابو لبيب : اتفضل يا حضرة الضابط
غيبوبه : اهئ .. مين .. اهئ .. حضرتك
الضابط : هو الاستاذ مقلكيش
زئرده : ماما .. تعالى هقولك كل حاجه جوه
غيبوبه : حاضر يا بنتى
الضابط : فين ولى امرك
ابو لبيب : هه .. جى .. جى كمان خمس دقائق

وبعد ساعه بعدما عرف الاب وعرف الضابط التفاصيل ..

الضابط : جريمة القتل حصلت ما بين ساعه وساعه ونص .. حسب تقرير الطبيب الشرعى
شكل : ومن الواضح ان المتوفيه .. اتقتلت !!!!
الضابط : هو .. انت مش ملاحظ ان الكل عارف يا استاذ
شكل : ملاحظ .. لكن المفروض متفتكش اى معلومه
الضابط : ارجوك .. انت ليك علاقه بالنيابه
شكل : طبعا .. طبعا .. انا كنت وكيل نيابه سابق .. فى لعبة بلويس وحرميه
الضابط : ابعد عنى .. ابعد عنى !!!!!!!!!!!!!
شكل : طيب .. مدام الجريمه حصلت من ساعه وساعه ونص .. يبقى مين الى كان موجود فى شقة ام غيبوبه خلال الوقت ده ؟؟؟
الضابط : اسكت ... مدام الجريمه حصلت من ساعه وساعه ونص .. يبقى مين الى كان موجود فى شقة ام غيبوبه خلال الوقت ده ؟؟؟
شكل : غيرت حضرتك
الضابط : مم ! قلت حاجه !
شكل : لا ليه
الضابط : لو لاحظنا ان المجنى عليها كانت مهدده لكن بشئ مجهول .. من كل الى كان عندهم ديون على السيده
يبقى الى المفروض نشك فيهم هم .. البقال .. الفكاهى
شكل : لكن مش لحظ ان القاتل كان بيحب اللون الاحمر جامد
الضابط : ليه
شكل : اصل الحيطه كلها احمر فاحمر
الضابط : منك لله .. اسكت .. يا اخى ارحمنى
شكل : حاضر

وبعد مده طويله ..

غيبوبه : اهئ
شكل : متخرسى بقه
غيبوبه : الام .. وحنان الام .. لا يكيل بالبليلا
شكل : انا الى هقتلك لو مسكتيش
غيبوبه : حاضر .. هسكت .. جتك سكته قلبيه
شكل : انا هنام .. هناااام
غيبوبه : اه صحيح .. بقيت التحقيق امته
شكل : بكره .. انبطى بقه

وفى غرفة الاولاد ..

ابو لبيب : منمتيش ليه لحد دلوقتى يا زئرده
زئرده : من ساعة الحدثه والضابط وبابا زعلان
ابو لبيب : هه ؟؟ تلاقيه علشان محققش اليومين دول
زئرده : طب نام .. نام

هههههههههههههههههههههههههههههههههههههههههه
التقوا بنا فى جزء اخر