دستور يااخوانا البعدا
لا سوري دستور من البعدا
محبوس حابس يااسيادنا
وبكاكي من فوق مدنه
ووراي ديوك بيكاكوا
حرسوا علي الباقي معاكوا
بركه مولانا هولاكو حلت وعلينا
اللعنه
طرطور طرطر طراطير
بيغيروا في الدساتير
ولا عاد في الحته كبير
وياوارث تورث مين
مالورث اتباع واتبعنا
نرجع تاني لموضوعنا
وبيان لدار الافتاء
من جمهورية زفتي
لعبة وعملوها استفتا
صوت ياللي انت سامعنا
وقول ملك ولا كتابه
واحلف وحياه راس بابا
زفه في مولد كدابه
والله يجازي اللي خدعنا
للجوكر الف تحيه
ملعون خاشي الحريه
يحيا قانون العبوديه
والحكومات الشموليه
والقوانين الوضعيه
لها مني الف تحيه
وحياه امي ده رجعيه
لو صوتنا علي وجعجعنا
واحد ولافيش غير هو
قاعد متربع جوه
وبكيفيك اور بالقوه
لو عامل فيها فتوه
روح قوله بقي يودعنا
مزيكا وتربتتوه
ونفديك بالدم افدوه
بس احنا ورحمه ابوه
مين ده اللي هايلوي دراعنا
روح هاتلي ليمون بالصودا
انا حاسه بريحه شوطه
هايصعدوا فصل الروضه
والورث هايصبح موضه
لم الجدعان واتبعنا
علي قهوه ساقيه مكي
نلطم نصرخ وهانبكي
ده ناويها وبيتكتكلي
قبل ماحتي يودعنا
ظقتتوا ياعيال قولوا هيه
الحكم صبح تيك واي
لو عايز قول اوك
لو رافض قول اوك
في كلا الحالتين نو واي
الشاعره
ايمان بكري