قصة لمن يعتبر

قصة لازم تاخدو منها عبرة وستفيدو منها بجد..

واحدة فى ثانوية عامة لسه.. يادوب 16 سنة ونص.. المهم متنيلة على عينها وبتحب واحد من اللى هما بيبقو لازقين قدام مدارس البنات يشوفوا رزقهم

المهم الولد ده راح قال للبنت زوغى يوم من المدرسة ونخرج..
قالتله مش هينفع.. بابا بيوصانى كل يوم المدرسة..
قالها لما يوصلك ويمشى.. ماتدخليش المدرسة وهاجى أنا أخدك بعربيتى..
قالتله بس الناظرة هتكلمهم فى البيت وتقولهم إنى ماجتش..
قالها خلاص إبقى شيلى فيشة التليفون قبل ماتنزلى..

المهم البنت تانى يوم قبل ماتنزل راحت شايلة فيشة التليفون.. ونزلت مع باباها وصلها المدرسة..
وأول ما مشى باباها راح زميلها جه خدها بعربيته..

فضلو يوم وإتنين وتلاتة وأسبوع على الحال ده.. لغاية أما جت البنت فى يوم نسيت تشيل فيشة التليفون قبل ماتنزل.. باباها وصلها وطبعا راحت مزوغة مع زميلها بعد ما أبوها مشى..

راحت الناظرة متصلة فى البيت مامتها ردت.. ف الناظرة قالتها هى بنتكو خير عيانة ولا إيه.. بقالها أسبوع مش بتيجى المدرسة..

طبعا الأم اتفاجئت بس مرضيتش تبين للناظرة.. راحت قايلالها آه تعبانة اليومين دول وقفلت معاها..
أما جوزها جه من الشغل راحت قايلاله إن البنت مش بتروح المدرسة..
قالها خلاص أنا بكرة هوصلها وأعمل نفسى مشيت بس هراقبها من بعيد لبعيد أعرف بتروح فين..

المهم تانى يوم فعلا أبو البت وصلها المدرسة و عمل نفسه إنه مشى خلاص بس راقب البت من بعيد لبعيد..

لقاها راحت ركبت مع ولد فى العربية ومشيو.. راح ماشى وراهم
لغاية أما وقفو قدام عمارة.. نزلو من العربية وطلعوا العمارة.. الأب طلع وراهم..
لقاهم دخلو شقة وقفلو الباب.. المهم شوية والواد صاحب البت نزل يجيب حاجة.. راح الأب طالع مخبط على باب الشقة اللى فيها بنته..

فتحتله البنت وجالها صدمة أما شافت أبوها قدامها طبعا.. المهم طبعا قعد يزعق ويضرب فيها وحصل بينهم شجار عنيف..

راحت البت جارية على المطبخ مسكت السكينة وراحت غزة أبوها فى بطنه سيحت دمه..

المهم صاحبها جه لقى المنظر كدة.. والبت حكتله اللى حصل.. قالها طب شيليه معايا نحطه فى البانيو..

فعلا حطوه فى البانيو وملوه ميه.. وراحو حاطين عليه برسيل عشان الدم مايعلمش فى البانيو وكدة..

البت راحت قايمة لابسة وروحت البيت ولا كأنها عاملة حاجة.. بتخبط على الباب لقيت أبوها بيفتحلها

قالتله بابا!!.. إنت إزاى لسه عايش


قالها مع برسيل.. مفيش مستحيييييييييل

ياريت كل اللى قرا القصة دى يغسل ببرسيل بعد كدة.. ومايدعيييش عليا
تعيشوا وتاخدوا غيرها

هههههههههههههههههه