اتعلمو بقى سر النصب والسرقه اللى على حق>>>

بسم الله الرحمن الرحيم


ازيكم يا ولاد يا شاطرين ويا بنات يا شاطورات

النهارده انا ميدو هشرحلك

اهم درس فى حياتكم

هعلمكمـــ


ازاى تبقو حراميين


وتبيعو بلدكم وتبقو خاينين
هعلمكم ازاى تبقو رجال اعمال حقيقيين


من اللى يسرقو ويتقال عليهم وطنيين



هقولكم ازاى تكسبو مليار جنيه فى اقل من يومين



حد هيقولى ازاى



دا مستحيل



هقوله المستحيل مش السرقه


المستحيل ان الناس يبقى عندها ضمير




اللعبه بسيطه اوى اوى اوى



تدخل مزاد على ارض بتبعها الحكومه


وتشوف المسؤول الكبير


ابو كرش كبير



طبعا تشرب سيادة المسؤول الكبير شوية شاى بالياسمين



لحد ما كرشه يتملى



وطبعا هيرسى عليك المزاد بتراب الفلوس


بس حاول ان اللى تدفعه يكون كتير

يعنى املاله التانك

لان مش انت لوحدك اللى هتدفع


كدا نفذنا او خطوه

بعد كدا تروح على اى بنك مصرى
وبرضه تملى كرش المدير
وتاخد قرض تدفعه قسط اول للارض
وتانى يوم تاخد الارض تبيعها بتمنها الاصلى

كدا تبقى كسبت اكتر من مليار

شفتو ازاى اللعبه سهله ؟؟؟

على سبيل المثال
هحكيلكم حكاية الوليد ابن طلال
اشترى من الحكومه 150.000 الف فدان فى توشكى اللى هو حلم مصر
والفدان متكلف على الحكومه مرافق وميه وصرف واللذى منه 12.000

وطبعا اما نضيف تمن الفدان من غير المرافق على تمن المرافق
اقل حاجه بالهايفه اوى يبقى تمن الفدان خمسين الف جنيه

تخيلو الراجل دا اشترى الفدان بكام ؟؟؟؟

بخمسين جنيه !!!!!

ومحدش يقولى ازاى

طبعا الراجل مدفعش ولا مليم من جيبه
اخد قرض من البنك المركزى ودفع قيمة اول قسط
واحتمال الحكومه تنسى باقى الاقساط
اصل الشاى اللى بالياسمين تقيل على المعده وبينسى

ونيجى بقى لمصيبه
رجل الاعمال الكبير اوى


اما اشترى ارض من الحكومه

والحكومه من زكائها انها باعت الارض لشخص تانى

طبعا هو مسكتش واخد من الحكومه ارض اكبر فى منطقه احسن
فى طابا


وبعد ما بناها وعملها منطقه سياحيه اعطى

حق الاستغلال الفندقي لشركة سياحة إسرائيلية

يعنى خلاص باعها للاسرائيليين

وفجاه بعد كام سنه جت الحكومه فى تانى حركه زكيه واخدت

الارض عافيه

الراجل بما انه معاه جنسيه ايطاليه يعنى رجله فوق الكل

رفع قضيه وكسب تعويض حوالى مليار جنيه الا ربع

حد يقولى بقى مين هيدفع المبلغ دا

اكيد الغلابا فى مصر

طب حد يقول هو اخدها الاول ازاى ؟؟؟

وازاى الحكومه وافقت انه يبيعها لاسرائيليين



اتعلمو بقى سر النصب والسرقه اللى على حق

دلوقتي الدرس انتهى

خلااااااااااااااااااااااااااااااااااااااااص

معدش فى حاجه تتقال فى حكومتنا

سؤال حصة النهارده

لو جتلك فرصه انك تكسب الملايين دى بسهوله

هتقول اسرق زى اللى بيسرقو ؟؟؟

ولا هتعمل ايييييييييييه؟



مستنى ردودكم يا اعضاء

ومش عاوز شعارات وكلام من دا

عاوز الحقيقه

فعلا مظبوط يا محمد بس ايه ده انته حرامى قديم ومدقدق فى الشغلانه هههههه
طبعا لا
توبيك جامد تسلم بتعلمنا النصب

شكرا لمرورك يا محمد
هو ده اللي بيحصل في بلدنا للاسف

موضوع جااامد وشكلك هتتمسك فيه .. والمنتدى غير مسؤل عنك
انت عارف ايه المشكله الاكبر
ان عمليات النصب دى بتحصل من الناس ال همه المفروض يحموا حقوقنا
وان نفس العمليه بنفس السناريو بتتكرر واحنا واقفيييين ...





انا ع ما اظن .. ان الحكومه بتشجع عمليات النصب
عشان تدل ع مدى رفاهية ومدى غنى الشعب المصرى ..
وزى ما بيقولوا .. دى الحياه مع حكومة نظيف الزيرو ..

عندك حق يا دكتور صادق
والسجن للجدعان بس اهم حاجة تفتكروني بالخير
شكرا لمرور حضرتك

تشرفت بمروركم
احمد
رانيا
الخنساء
نحن لها

لا حول ولا قوة الا بالله
مش هنستغرب لاننا في زمن الماديات والمصالح
شكرا علي الموضوع
سلمت يمناك

مشاء الله الموضوع جامد جدا


بس انا مش فاهمة حضرتك ليه مستغرب

دا احنا متربيين في صيدلة الزقازيق

ولازم قبل منخرج للحياه نكون فاهمين ان هي ديه القوانين السائدة

عموما حسبنا الله ونعم الوكيل

وجزاك الله خيرا كثيرا على الموضوع الرائع

هههههههههههههه

حلو ياميدو شد حيلك بقه عشان بيعملوا واجب جامد للناس ال زيك ال بيحبوا الحكومه

لو الناس دي مسلمين علي حق ومشيوا علي سيرة النبي والصحابه وراعوا ربنا ف كل حاجه كنا هنبقي أعظم شعوب الأرض بس لأسف اتلوثنا فكريا واخلاقيا وال بيتسبب عنها كل المشاكل ال احنا فيها ولايغير الله قوما حتي يغيروا مابأنفسهم