فتافيت (!) ::::: المسحراتى .. مـات ... ف ظروف غامضة ..

SAADEK كتب:
اولا : كل سنه وانتم طيبين .. ورمضان كريم عليكم ..

وحضرتك طيب .... الله اكرم


... ياترى راحت فين؟؟ طب وليه اختفى المسحراتى ؟؟!!!
ما اختفاش ولا حاجة يا دكتور المسحراتى بيجنا كل يوم
بس احنا اصلا بنكون صحيين مش محتاجينة
تانى حاجه بردو شايفها بداْت تقل ..
بس هيه لسه موجوده بس طبعا مش زى زمان
اْلا وهى ::::: الزينه ..
فعلا هيه قلت انا كنت بعملها وانا صغيرة وفعلا بنتنافس عليها بس دلوقتى
مابنعملهاش ....... معرفش ليه بيقولوا انى كبرت على الحاجات دى


ياترى راحت فين ؟؟؟ ؟؟؟؟؟؟؟؟؟؟؟؟؟؟؟
ياترى ليه مفيش دلوقت مسحراتى؟؟!!
وليه مفيش زينه ؟؟
ولو كل واحد بص حواليه ممكن يلاقى حاجات كان متعود عليها ف رمضان .. وبقت مش موجوده دلوقت
اها.. فعلا بس كـل سنة بتتغير حاجات وبيظهر حاجات جديدة يعنى
ياترى التقدم ؟؟؟ ممكن يحطم العادات الجميله ال اتربينا عليها ؟؟؟
ياترى التفكك ؟؟؟ ال بقى بين الناس .. وان كل واحد بقى ف حاله وملهوش دعوه
بالتانى ..
فعلا دا اهم الاسباب لتحطم تلك العادات ....... كل واحد الايام دى همة نفسة وبس ومالش دعوة بالتانى ....... بس مش عند الناس كلها فى ناس لسة كويسة برضو
ياترى التلفاز ( التى فى يعنى ) ؟؟ يعنى كم المسلسلات الرهيبه ال بقت كل شركة انتاج
بتتنافس ع انتاج اكبر عدد من المسلسلات .. وقنوات التلفزيون .. ال بقى ف كلمه مستفزة تلاقى كل قناه بترددها وهيه ع ما اظن مش فاهمه معناها .. اْلا وهى ...
حصريا .. كله حصرى ع التلفزيون المصرى (جتك خيبه ) ... والحصرى عندنا بجد .. مش عند اى حد . ( شكله ما يعرفش اْن الحصرى عندى انا كمان )... معقوله وصلنا للتفاهه بالصورة دى ..؟؟؟؟!!! والمخزى اكتر .. ان اكبر عدد من المسلسلات ... مصريه وغير صالحه للمشاهده .. ...
اه والله بجد حاجة تخنق والخبر المؤسف اللى سمعتة

ان عدد المسلسلات التي تقدم في شهر الطاعه لهذا العام

108 مسلسل يعني 2240 حلقه

و غير البرامج و غيرها و للاسف الضحية نحن

اللهم عافنا و احفظنا

و اجعل هذا الشهر شهر طاعه و مغفره و عتق من النار

اكيد ف اسباب كتيييييير لاْختفاء العادات ال احنا كنا متعودين عليها ؟؟
ياترى شايف الموضوع دا ايجابى ولا سلبى ؟؟
الموضوع دا ايجابى ..... بجد يارب ارحمناا
طب ياترى ف اسباب تانيه ؟؟

ياترى ف حاجات جميله كنت متعود عليهاف رمضان ؟؟ واختفت؟؟
اها كتير ...... زى الزينة و كنت ديما اروح اصلى والعب بس دلوقتى اكتر الاوقات بصلى فى البيت ومابلعبش وكمان كنت بتفسح كتير بعد صلاة التراويح دلوقتى مافيش لعب ولا فسح
معلش طولت عليكم ...
رمضان كريم
الله اكرم
ــــــــــــــــــــــــــــــــــــــــــ
كـــــــــــل سنة وانت طيب يا صادق
:[

SAADEK كتب:
اجمل حاجه ان اول فتفوته هتبقى ف اول يوم ف شهر رمضان ..
اولا : كل سنه وانتم طيبين .. ورمضان كريم عليكم ..

وأنت طيب يا صادق

SAADEK كتب:
ثانيا :
: هتكلم عن حاجات كتيييييير كانت موجوده زمان بس للاْسف دلوقت مبقاش ليها اى طعم .. اكن حد حط عليها ملح من غير ما يقصد .. ( او يقصد بس مش مبين )
يعنى زمان كان ف المسحراتى ...دايما كنا لازم ننام بدرى ونصحى ع صوت المسحراتى ..والمسحراتى ال كان عندنا ف المنطقه .. كانت واحده ست ...كانت ع 2.30 دايما لازم تعدى ... ياترى راحت فين؟؟ طب وليه اختفى المسحراتى ؟؟!!!

لا بصراحه دلوقتى مبقاش موجود بس المشكله بعد رمضان تلاقى واحد داخل عليك يخبط انا عمو ....... المسحراتى بتاع رمضان وتعبان وعاوز فلوس


ولا فى العيد الكبير تلاقى واحد تانى خالص داخل انا عمو .......... المسحراتى مليش حاجه فى اللحمه ولا أيه


والمشكله اصلا مفيش مسحراتى خالص بس نعمل ايه هيه ديه أم الدنيا

SAADEK كتب:
تانى حاجه بردو شايفها بداْت تقل ..بس هيه لسه موجوده بس طبعا مش زى زمان اْلا وهى ::::: الزينه ..
الزينه بقه كان الأول ورق كنت تقعد تعملها وتبهدل نفسك وتشترى كشكول تقطعه وتعمل بيه
بعد كده بقة زينه صينى بلاستيك
بعد كده بقه زينه من اللى بتنور
بعد كده المحافظه نزلت قرار للمحلات والمولات والحجات ديه بعدم تعليق الزينه او الفوانيس لتوفير الكهرباء
برضه أم الدنيا

SAADEK كتب:

Mido ..
ما تيجى نعلق زينه من عندى لحد عندك ؟؟!!
ونخش الموسوعه ؟؟ :hehe: 

SAADEK كتب:

موضوع قطع الكهربا دا ..
حاجه تجنن .. وعندنا كمان عاملين نظام ان كل منطقه ليها فتره ف اليوم
الكهربا تتقطع عنها .. حاجه تغيــــــــــــــــــــظ