من طرف طبعا بعد ما ناقشنا ياترى ممكن البنت تشتغل كميديكال ريب ولا لا؟؟
تعالوا نعرف دلوقت ايه مجالات عمل الصيدلى !!
عشان كل واحد لسه ف اولى او ف تانيه يبداْيحدد هدفه
ويخطط له من دلوقت
وياخد الكورسات المناسبه له بدرى بدرى كده
فلنبدا...............
بسم الله الرحمن الرحيم
مرحله بعد التخرج هى تحدى من نوع جديد يواجه الصيدلى
فبعد إنقضاء سنوات الدراسه بحلوها و مرها خصوصا المذاكره يبدأ الصيدلى
الخريج يعد العده لمواجه الحياه العمليه بعنفها نعم عنفها و قسوتها
الغرض من موضوعى بعد تلك المقدمه هو شرح مبسط أو شرح محايد لمعظم فرص العمل المتوفره للصيادله
المجال الصيدلى حاليا يوجد به عدد من الفرص و أهمها هو
1- العمل فى الصيدليات
2- العمل فى شركات الأدويه ( ليس المصنع ) كمندوب دعايه فى مجال التسويق الدوائى
3- العمل فى مصانع الأدويه
4- العمل فى الحكومه كموظف فى وزاره الصحه ( التكليف )
سأتناول تلك الأعمال من حيث
1- طبيعه العمل
2- المميزات و العيوب
3- الدخل و الراتب المتوقع
4- متطلبات الوظيفه
5- كيفيه الألتحاق بالعمل فى المجال المذكور
يالا بينااااااااااااااا
1-العمل فى الصيدليات
هى أكثر الفرص المتاحه للعمل
طبيعه العمل
ــــــــــــــــ
- يقوم الصيدلى بصرف العلاج والأدويه فى الصيدليات للمرضى كذلك يقوم
بتقديم خدمات آخرى مثل قياس الضغط و السكر و الوزن أو إعطاء الحقن
- يقوم الصيدلى بإرشاد المريض بطريقه تعاطى الدواء و يحذره من الأعراض الجانبيه المتوقعه أو التعارضات الدوائيه المحتمله وهى :
side effects , contraindications , drug
interaction
لاحظ أيها الصيدلى أن تلك الأمور هى تخصصك و مسؤليتك و ليست تخصص الطبيب و المسؤليه تقع على عاتقك أنت !!
التواصل مع الطبيب لتعديل أى خطأ محتمل فى الروشته العلاجيه ( مينعش تصرف الروشته على عيبها )
المميزات و العيوب
المميزات
1- الألمام بكل الأدويه الموجوده فى السوق الدوائى
2- تعلم التواصل و التفاهم مع جمهور المرضى و هو أمر ليس بالهين إكتسابه لأنه يحتاج إلى صبر من نوع خاص و طريقه تحاور ذكيه
3- يؤهل الصيدلى فيما بعد لأفتتاح صيدليته الخاصه
4- الألمام بطبيعه العمل التجارى و المالى مع الشركات الموزعه للأدويه
5- إكتساب خبره ممتازه حول كيفيه صرف الأدويه العلاجيه دون الرجوع للطبيب من خلال تشخيص مبسط لشكوى المريض وهو ما يعرف بال OTC
العيوب
1- عائد مادى ضعيف نسبيا
2- بمرور الوقت يصاب الصيدلى بحاله من الملل و الكأبه لأن تلك المهنه لا يوجد فيها جديد عاده
3- تلك المهنه غير مضمونه و غير ثابته كمصدر دخل مضمون
4- يحتاج الصيدلى للعمل ساعات كثيره فى اليوم لتحقيق دخل كبير
5- ساعات العمل طويله وممله و ليست مرهقه
الدخل و الراتب المتوقع
يختلف العائد و الدخل من محافظه لأخرى داخل مصر ومن صيدليه لأخرى و على الخبره و على سبيل المثال :
القاهره >>> الساعه شهريا تتراوح بين 75 جنيه : 100 جنيه
الأسكندريه >>> الساعه شهريا تتراوح بين 50 : 60 جنيها
باقى المحافظات >>> الساعه شهريا تتراوح بين 35 : 45
يعنى مثلا عندنا دلوقت ف اصحابنا من ال اتخرجوا السنه ال فاتت وبياخدوا 40 عشان اقاليم
وف غيرهم بينزل على القاهره وياْجر شقه وينزل يشتغل ف صيدليه ف القاهره والساعه بتبقى من 80 ل100 على حسب الصيدليه ومكانها
ونخلى بالنا يعنى ايه الساعه كصيدلى ؟؟
لاحظ الأتى معنى الساعه هو كالتالى
إذا تم الأتفاق مثلا على 50 جنيه / ساعه
ثم الأتفاق على العمل لمده 10 ساعات يوميا
سيكون دخل الصيدلى أو راتبه الشهرى 10 ساعات يوميا فى 50 = 500 جنيه
طبعا راتب ما يفتحش بيت ..
بس ف الغالب الكل بيبص لقدام يعنى يقولك انزل ادرب ف صيدليه دلوقت وبعد سنه او اتنين
اطلع بره ف اى دوله خليجيه على صيدليه
وطبعا الساعه بتفرررررق كتييييييييير
متطلبات الوظيفه
ـــــــــــــــ
أن يكون صيدلى حاصل على بكالوريوس الصيدله ويحمل كارنيه نقابه الصيادله و كارنيه مزاوله المهنه من وزاره الصحه ( صيدلى ثان )
الخبره ليست مهمه بدرجه كبيره لأن عاده ما تقوم الصيدليه بتدريب الصيدلى على العمل
* وطبعا لو عايز تنزل تشتغل ف صيدليه كبيره ف القاهره بيتعملك انترفيو وكورس تدريب قبل الشغل
دا لو كانت الصيدليه كبيرة ..
كيفيه الألتحاق بالعمل فى المجال المذكور
ـــــــــــــــــــــــــــــــــــــ
عاده من خلال العلاقات بالصيدليات أومن خلال الأعلانات بالصحف
ندخل دلوقت على الوظيفه ال ف الغالب اول ما بنتخرج بنتوجه لها ..
هنعرف ليه ف المميزات كمان شوية
2- العمل فى شركات الأدويه كمندوب دعايه أو تسويق
طبيعه العمل
دور الصيدلى هنا هو الأتى :
1- ضمان التسويق والدعايه لأدويه معينه تقوم الشركه التى يعمل بها بإسناد مهمه تنشيطها إليه
2- زياره الأطباء فى عياداتهم الخاصه لأقناعهم بطريقه أو بآخرى بوصف أو كتابه دواء الشركه
3- زياره المستشفيات و المسنوصفات و الصيدليات لنفس السبب السابق
طب ياترى ايه ال يخلينى ازور مستشفيات ؟؟؟
ما انا عندى العياده بتاعة الدكاترة اروح ازورهم وخلاص
لاْن بيبقى ف المستشفيات بعض الدكاترة ال من القرى وبيبقى عندهم مرضى كتير
وانت ف الغالب لما بتنزل تعمل شغلك بتنزل المركز مش ليك دعوه بالقرى
يعنى لو انت ماسك
ميت غمر واجا والسنبلاوين
انت مش بتروح مثلا بلد زى بشلا او بلد زى كوم النوم كمثال يعنى
طب افرض ف دكتور ف البلد دى ودكتور شاطر
يبقى انت مش هتلاقيه غير ف المستشفى
4- ضمان تحقيق معدل دخل مالى معين أو ما يعرف بال TARGET ( كل شركه بيكون عندها هدف أومعدل مبيعات مادى عاوزه تحققه )
5- يتابع الصيدلى الأدويه المنافسه لدواء شركته
المميزات و العيوب
المميزات
1- دخل مالى كبير
يعنى بيبقى ف حدود 1200 ل1600
وطبعا لو انت بتشتغل am بس
فساعتها هتاخد 700/800
2- الحصول على مميزات كثيره مثل السياره ومواد الدعايه اللازمه لتسويق الأدويه
ومش بتاخد السياره اول ما تشتغل ف تارجت معين لازم تحققه
يعنى هتاخدها بعد 6/12 شهر ..
3- يؤهل الصيدلى للعمل بدول الخليج براتب ضخم
4- إكتساب مهارات خاصه مثل طريقه التحاور اللبقه مع الأطباء و خصوصا مهارات الأقناع
5- مركز أجتماعى مرموق إلى حد ما
6- تقوم الشركه بتدريب الصيدلى على مهارات التسويق و الدعايه و منافسه الشركات الأخرى وهى كورسات تدريبيه مكلفه جدا
العيوب
1- مهنه مرهقه إلى حد كبير
بصراحه هيه ممكن تكون مرهقه ومريحه ف نفس الوقت
دا بيتوقف على حاجات كتير
على نوع الdrug
ال انت شغال عليه
ومان ياترى انت عارف تظبط مواعيد الدكاتره ولا لا
يعنى مثلا حاطط جدول للدكاتره
يعنى مش تلف البلد من شرقها لغربها وبعد كده ترجع لشرقها
2- تحوى نوعا من إمتهان الكرامه لأن الصيدلى مضطر لزياره الإطباء و قد يتعرض للأحراج أو التجاهل و أحيانا الطرد
بصراحه ف بعض الصيادله بيحسوا بكده
بس دا بيختلف على حسب تفكيرك انت ف الموضوع
يعنى لو انت بصيت للموضوع انك داخل تقدم خدمه للطبيب
انك تعرفه الادويه الموجوده ف السوق
وتعرفه الدوز بتاعة الدوا
فاْكيد مش هتحس باْهانه ولا غيره
وكمان لو انت حطيت ف اعتبارك ان الطبيب لما بيعترض
مش بيعترض عليك انت كشخص
لالالا
دا بيعترض سواء ع الفكره عامه او المنتج او ع الشركه
فبالتالى الموضوع مفهوش حاجه شخصيه
3- لا تصلح للبنات من وجهه نظرى للأسباب السابقه
طبعا ناقشنا الفكره دى ..
4- بها شبهه شرعيه ( حرام ) لأنها تعتمد على رشوه الطبيب بشكل لبق ( وهو
ما يعرف بال SERVICE) لأقناعه بكتابه الدواء كما أنها تعتمد على عرض عيوب
الأدويه المنافسه أمام الطبيب و المتضرر هنا عاده المريض ( بسبب سعر
الدواء المرتفع الذى لا يحتاجه )
DEALS ... DEALS ... DEALS ..
5- صعوبه تحقيق ال TARGET الكبير المطلوب تحقيقه مما يعرض الصيدلى للفصل
6- يضطر الصيدلى لحرق الدواء و هو ما يعرف بتوفير دواء شركته للصيدلى بسعر
أقل من سعر السوق الذى تقدمه الشركه و ذلك لتحقيق التارجت المطلوب من
شركته ( طبعا يقوم الصيدلى بهذا الأمر من ماله الخاص وقد يتعرض للفصل إذا
نما إلى علم الشركه هذا المر المخالف )
الدخل و الراتب المتوقع
يبدأ من 1000 جنيه فما فوق شهريا بالأضافه للحصول على سياره خاصه
متطلبات الوظيفه
صيدلى خريج حاصل على بكالوريوس الصيدله
لباقه فى الحديث
يفضل أن يكون مقبول شكليا أو وسيم
كيفيه الألتحاق بالعمل فى المجال المذكور
من خلال الأعلانات المنشوره بالصحف عاده
3- العمل فى مصانع الأدويه
ــــــــــــــــــــ
أندر و أصعب فرص العم
1- طبيعه العمل
دور الصيدلى هنا يعتمد على مكانه داخل المصنع فالأعمال المتاحه قد تكون فى
قسم الأنتاج Production Dept. أو قسم الجوده و الرقابه عليها Quality
Control & qualiy Assurance Dept
قسم الأنتاج مختص بخطوات تصنيع الدواء و تعبئته الخ تبعا لخطوات أو procedure محدد
قسم الجوده مختص بالتأكد من جوده التصنيع الدوائى و التأكد من الأمان و الفاعليه الدوائيه طبقا لمعايير محدده
2- المميزات و العيوب
المميزات
1- مستقبل مهنى بارز و مضمون حيث يكتسب الصيدلى خبره نادره فى هذا المجال
2- دخل جيد إلى حد كبير و يزداد بمرور الوقت
3- مجال متجدد بإستمرار حيث يكون الصيدلى ملما بآخر و أحدث التقنيات العلميه فى التصنيع الدوائى
العيوب
مهنه مرهقه و يقع على عاتق الصيدلى مسؤليه كبيره لأن أى خطأ فى خطجوات
متابعه التصنيع قد يسبب خساره ماليه مهوله للمصنع و طبعا تتم معاقبه
الصيدلى عليه
3- الدخل و الراتب المتوقع
يتحدد الدخل على حسب المصنع
على سبيل المثال :
مصنع سيديكو للأديه :
350 دخل شهرى ثابت + بدل حافز + مكافئات تزداد لتصل ل 900 جنيه شهريا + تأمين صحى + الأنتقالات + معاش
مصنع أدويه ألكان فارما Alkan Pharma
900 جنيه شهريا يزداد مع الزمن + تتحمل الشركه تكلفه الأنتقالات + وجبه عذاء رئيسيه
مصنع بريستول مايرز سكويب مصر BMS
900 شهريا + تأمين صحى + الأنتقالات + وجبه غذاء رئيسيه + بوفيه مفتوح
4- متطلبات الوظيفه
الخبره مهمه إلى حد كبير جدا
5- كيفيه الألتحاق بالعمل فى المجال المذكور
من خلال العلاقات الشخصيه ( كوسه بمعنى آخر ) أو لازم يكونلك معرفه لأن
المصانع لا تضطر للأعلان من خلال الصحف إلا فى حاله إحتياجها لتخصص معين
أو خبره طويله فى الشخص المطلوب لشغل الوظيفه
4- العمل فى الحكومه كموظف فى وزاره الصحه ( التكليف )
ــــــــــــــــــــــــــــــــــــــــ
1- طبيعه العمل
عاده يكون العمل داخل مستشفيات وزراه الصحه و التأمين الصحى متعلقا بتوفي
الدواء للمستشفى و تقديم سجلات لمعدل صرف تلك الأدويه للحكومه كذلك يتسلم
الصيدلى أحد تلك العهد ( عهده الصيدليه الخارجيه للمستشفى , عهده الصيدليه
الخارجيه , عهده مخزن المستشفى الدوائى , عهده المخدرات الخ )
2- المميزات و العيوب
المميزات
1- دخل شهرى ثابت و مضمون بأمر الله
2- معاش و تأمين إجتماعى
3- تأمين صحى
4- وظيفه ثابته فى الحكومه
5- يرتقى الصيدلى فى وظائف الوزاره بمرور الوقت
العيوب
1- دخل ضئيل جدا
2- مجال العمل داخل الحكومه عاده غير متعلق بالصيدله
3- الدخل و الراتب المتوقع
200 جنيه + حوافز + الإقتصادى + مكافئات = حوالى 350 جنيه شهريا
يزداد الدخل مع الوقت
4- متطلبات الوظيفه
الوظيفه هاهنا إجباريه كتكليف لمده سنه ثم يحق للصيدلى الأستمرار كموظف بعدها إذا أحب
5- كيفيه الألتحاق بالعمل فى المجال المذكور
من خلال الأداره المركزيه لشئون الصيدلة
دى تعتبر معظم الوظائف ال ممكن يشتغلها الصيدلى
وطبعا ممكن يشتغل ف مجالات تانيه خارج مهنة الصيدله اساسا
زى ال Training
اتمنى اْنكم تكونوا استفدتم من الموضوع
ـــــســـ 
