ميييييين السبب؟؟؟؟؟؟؟؟؟؟

dr_sunset كتب:السلام عليكم ورحمة الله
وعليكم السلام ورحمة الله وبركاته
مين السبب؟؟؟؟؟؟؟؟
فى اسئلة كتير تعبانى وعايزة اعرف رأيكم

هل احناالسبب ان القدس لحد دلوقتى محتل؟؟؟؟؟؟؟؟
هل احنا سبب التخلف اللى احنا فيه؟؟؟؟؟؟؟
ليه لحد دلوقتى مش طلع صلاح الدين الايوبى؟
ممكن يكون صلاح الدين موجود وسطينا بس الظروف المحيطه بيه مش مدياله الفرصه عشان يظهر ..

طب بلاش كدة........هل احنا دايما بنعلق همومنا على شماعة الحكومة؟؟؟؟؟؟؟؟
طب مين اللى مفروض يتغير احنا ولا الحكومة؟
دا عيبنا الكبير ان احنا عايزين الحكومه هيه ال تعملنا كل حاجه .. يعنى التغيير المفروض يكون من جوانا احنا كشعب .. كاْفراد .. بالتالى لو احنا اْتغيرنا .. اكيد الحكومه هتتغير ..
ولا احنا اللى حظنا وحش وجينا فى زمن وحش؟ولا الزمن هو اللى حظه وحش اننا احنا اللى جينا فيه؟
انتى حظك وحش ليه ؟ ما اْنتى ف كلية صيدله اهو الحمد لله .. واكيد الزمن مش هوا ال حظه وحش عشان اكيد ف يوم هتبقى صيدلانيه .. تقدرى تخدمى وتساعدى غيرك ..
طب بلااااااااش كدة خالص....هل ربنا هيسألنا على الاطفال اللى بتموت كل يوم سواء من الحرب او من البرد او من الجوع او....
لو ف اْيدك حاجه تقدرى تعمليها دلوقت عشان تنقذيهم وتساعديهم .. وساعاتها انتى اْتاخرتى عليهم .. يبقى اكيد هتتساْلى ..
هل فى اجابة نقدر نقولها لربنا؟
المفروض دلوقت مهمتك انك تزاكرى وتنجحى ف دراستك عشان يكون عندك علم كافى .. انك تقدرى تساعدى بيه غيرك ..
بجد الموضوع مضايقنى جدا اتمنى اسمع رأيكم

dr_sunset كتب:
هل احناالسبب ان القدس لحد دلوقتى محتل؟؟؟؟؟؟؟؟
احنا مين ؟؟ انا وانتى ؟؟ اكيد لأ مش السبب لكن قادرين على تغيير الواقع يا سيدتى

هل احنا سبب التخلف اللى احنا فيه؟؟؟؟؟؟؟
برضه ؟؟ اكيد لأ مش انا وانتى .. بس برضه مفيش مانع من المحاوله

ليه لحد دلوقتى مش طلع صلاح الدين الايوبى؟
بالله عليكى .. دا زمن فيه اخلاق تطلع صلاح الدين ؟؟ زمن يسخر فيه النفاق من الصدق ويتولى المناصب العليا .. صلاح الدين بتاع زماننا بيصحى الصبح يجيب عيش من الفرن ويروح ينام فى البيت عشان مش لاقى شغل .. ولا والأنيل .. لما يروح يتقدم لواحده .. يقولوله شبكة بـ 30.000 وشقه والعفش ..
صلاح الدين بتاع الزمن دا نجح فى الثانوية العامه بالغلط .. وما اتعلمش حاجه فى الجامعة

طب بلاش كدة........هل احنا دايما بنعلق همومنا على شماعة الحكومة؟؟؟؟؟؟؟؟
مش هارد على السؤال دا .. ههههههههه

طب مين اللى مفروض يتغير احنا ولا الحكومة؟
احنا والحكومه

ولا احنا اللى حظنا وحش وجينا فى زمن وحش؟ولا الزمن هو اللى حظه وحش اننا احنا اللى جينا فيه؟
لا .. الزمن وحش وكثيرا مرت على الأمة الإسلاميه ايام كهذه .. لكن دايما بتنتهى بنصر من الله .. اللهم ارزقنى الشهاده

طب بلااااااااش كدة خالص....هل ربنا هيسألنا على الاطفال اللى بتموت كل يوم سواء من الحرب او من البرد او من الجوع او....

هل فى اجابة نقدر نقولها لربنا؟
قال رسول الله صلى الله عليه وسلم : ((لن يدخل أحدكم الجنة بعمله، قالوا: ولا أنت يا رسول الله؟ قال:
ولا أنا إلا أن يتغمدني الله برحمة منه وفضل ))
يعنى لن ندخل الجنه رغم العمل الصالح إلا برحمة الله .. والعمل مجرد شيئ سببى جعله الله لدخول الجنه .. ادعى الله ان يرحمنا برحمته الواسعه


وشكرا على الموضوع الجميل .. تساؤلات ضمير مستيقظ يأبى النوم

dr_sunset كتب:السلام عليكم ورحمة الله

مين السبب؟؟؟؟؟؟؟؟
فى اسئلة كتير تعبانى وعايزة اعرف رأيكم

هل احناالسبب ان القدس لحد دلوقتى محتل؟؟؟؟؟؟؟؟
نعم احنا السبب بسكوتنا علي الظلم اللي بيحصل لاخوانا وعدم كفائتنا علي مساعدتهم فنحن مشلولين




هل احنا سبب التخلف اللى احنا فيه؟؟؟؟؟؟؟
ايةه احنا سبب تخلفنا لاننا عايشين ما بنجددش عايشين بنفتخر بتراث الجداد فقط وواقفين مكتوفي الايدي وضيفي لذلك فسااد المناخ في كل شئ

ليه لحد دلوقتى مش طلع صلاح الدين الايوبى؟
ممكن فيه بس لسه ماوصلش الي ما كان عليه صلاح الدين الايوبي الذي رفض ان يضحك والقدس اسير

طب بلاش كدة........هل احنا دايما بنعلق همومنا على شماعة الحكومة؟؟؟؟؟؟؟؟
طب مين اللى مفروض يتغير احنا ولا الحكومة؟
الحكومه افراد مننا فلو احنا اتغينا اكيد الحكومه هتتغير وهيتحسن الحال


ولا احنا اللى حظنا وحش وجينا فى زمن وحش؟ولا الزمن هو اللى حظه وحش اننا احنا اللى جينا فيه؟
الزمن مناسب بس ذنوبنا الكثيره هي اللي بتصعب علينا كل حاجه


طب بلااااااااش كدة خالص....هل ربنا هيسألنا على الاطفال اللى بتموت كل يوم سواء من الحرب او من البرد او من الجوع او....

هل فى اجابة نقدر نقولها لربنا؟

نسالك العفو ياربي فانت عليم بحالنا وغني عن سؤالنا

بجد الموضوع مضايقنى جدا اتمنى اسمع رأيكم

illusionist كتب:وعندك كمان رد للتوضيح

التعميم آفة أصابت مجتمع .. الموضوع كأطروحه اصاب شقين .. بين تحميل كل فرد مسئولية امتهان لكرامة الأمة .. ورغم الغرض النبيل المرجو من التساؤلات لكنه غير منطقى .. وإلا لتحملتى وزر أكل أدم عليه السلام للتفاحه وطرده من الجنه حتى الآن وتحاسبى عليها ..

طالما لم ترتكبى الوزر بنفسك فلا يحاسبك الله عليه وإلا تتطرقتى بعقيدتك لعقيده اخرى كما تطرق النصرانيون لهذه النقطه
ومعنى كده ان اكيد لا احاسب انا ولا انتى ولا حد من الشباب اللى فى المنتدى عن احتلال القدس .. (الله يرضى عليكى .. مش ناقصين ذنوب )

برضه اعتقد اننا احنا السبب
الرسول بيقول

قال رسول الله صلى الله عليه وسلم: "يوشك الامم ان تداعى عليكم كما تداعى الاكلة الى قصعتها" فقال قائل: ومن قلة نحن يومئذ؟ قال: "بل انتم يومئذ كثير، ولكنكم غثاء كغثاء السيل، ولينزعن الله من صدور عدوكم المهابة منكم، وليقذفن الله في قلوبكم الوهن" فقال قائل: يارسول الله، وما الوهن؟ قال: "حب الدنيا وكراهية الموت".

وكمان(ان الله لايغير ما بقوم حتى يغيروا ما بأنفسهم)


والشق الثانى : سياسى فى نقطة الحكومة وانتظار صلاح الدين ... وبصراحة فكرة المخلص المنقذ دى مش بتعجبنى .. فأعظم الأمم فى هذا الزمان يقودها اشخاص عاديين تماما .. يبقى تعالى نلغى فكرة المنقذ (سوبر شخص اللى احنا مستنينه دا)

تمااااام
اصلا لو السوبر شخص ده موجود مش هيعرف يعمل حاجة واحنا كدة


اما حكاية الحكومة .. فشيئ بيّن ان السلطه الحاليه غير مناسبه كما ان مواقف تدل على ان كمان نسبه كبيره من الشعب غير واعى
ومصّر على ان الشعب والحكومة مش واحد .. اذا قصدتى ان الحكومة كأفراد جاءت من الشعب فدا مفهوم مبسط جدا .. وابسط دليل ان الإتنين مش واحد .. ( هدف الأغلبيه من الشعب .. معيشة كريمة ....... وهدف السلطه .. سلطه اكبر والحفاظ على المكانه ) يبقى الإتنين مش واحد وإن كان الأصل واحد ..

انا كنت اقصد ان لو اى حد من الشعب والمعترضين على اداء الحكومة ممكن يعمل نفس اللى بيعملوه

اما عن .. ((لكن الراجل اللى بيصحى الصبح يجيب عيش ده ومش بيفكر غير هياكل ايه النهاردة ده اكيد مش صلاح الدين))
البشر كما قال احد أساتذة التحليل النفسى .. اول ما يبحثون عنه هو الأمان .. ثم المأكل .. ثم المكانه والتقدير ثم المجد ودا ترتيب الدوافع عند البشر .. مش تغيريه بقى .. وجدنا الأمان نسبيا .. ولسه جزء كبير بيبحث عن الأكل .. اما النسبة القليله هيا اللى بتدور عن المكانه ثم المجد .. ودى الفئه اللى تساهم فى تقدم الأمم
أمريكا كدوله عملت حاجه عشان تعالج النقطه دى اسمها اعانة بطاله .. عشان تبقى ضمنت المأكل كمان لشعبها .. وبكده تنقله بالدوافع للدافع الأعلى ..
يبقى صلاح الدين موجود وبيجيب عيش الصبح ولا لأ ؟؟ وبعدين هوا العيش عيب ولا حاجه .. ههههههههههه

كلااااام جميل
واستفدت جدا من نقطة الدوافع
لكن كنت اقصد ان لو الراجل ده صلاح الدين وكان كل حياته كدة يبقى اتولد وهيموت من غير مايعمل حاجة يعنى كأنه مش جه اصلا

اخر حاجه .. مين الشيخ اللى بيقول الكلمة الحلوه دى ؟؟((افتكرت جملة سمعتها من شيخ كان بيقول عجبا للمسلم يجيد الموت فى سبيل الله ولا يجيد الحياة فى سبيل الله))
سبحان الله .. والله ما باخاف غير من مشايخ الأيام دى .. يا سيدتى الغاليه ابوعبيده ابن الجراح تمنى الشهاده .. وانا اقتديت بيه فى دعائى .. الله يرضى عليكى قال صلى الله عليه وسلم : ( من تمنى الشهادة خالصا من قلبه, أعطاه الله منازل الشهداء) .. يا ريت تقولى مين الشيخ البارع اللى افاض علينا بعلمه وقال الكلمة دى .. ومتأسف على الإطاله ..

برضه اعتقد اننا احنا السبب
الرسول بيقول

قال رسول الله صلى الله عليه وسلم: "يوشك الامم ان تداعى عليكم كما تداعى الاكلة الى قصعتها" فقال قائل: ومن قلة نحن يومئذ؟ قال: "بل انتم يومئذ كثير، ولكنكم غثاء كغثاء السيل، ولينزعن الله من صدور عدوكم المهابة منكم، وليقذفن الله في قلوبكم الوهن" فقال قائل: يارسول الله، وما الوهن؟ قال: "حب الدنيا وكراهية الموت".

وكمان(ان الله لايغير ما بقوم حتى يغيروا ما بأنفسهم)

بتهيألى الجملة مش فيها حاجة

((افتكرت جملة سمعتها من شيخ كان بيقول عجبا للمسلم يجيد الموت فى سبيل الله ولا يجيد الحياة فى سبيل الله))

لكن الشهادة مش هتيجى من فراغ

يعنى مثلا واحد مش يعتقد ان ربنا ممكن يمن عليه بصلاة فى المسجد الاقصى وهو اصلا مش بيصلى فى بيتهم
يعنى حياتنا لازم تكون فى سبيل الله علشان موتنا يكون فى سبيل الله

لسنا بتخلف ولا ولا تقولي ابدا ذلك ان خرجت هذه الكلمة من فيه فتاة مسلمة تدعوا للاصلاح فماننتظر من غيرها نحن فقط تداعي علينا الزمان ولكننا سنعود ولنعودن بقوة

لنعودن

فصلاح كان قدره ان يكون القائد الفاتح وها نحن ننتظر في زماننا هذا القائد الخاص بزماننا والذي سيكون باذن الله خير من صلاح ولانزكي على الله احد الا وهو محمد المهدي جامع الامة الاسلامية باذن الله ونرى ان كل العلمات تدل باذن الله على قرب ظهورة حتى ولو امتدت لالف عام الا انه سياتي اي مازلنا بخير لم ينفذ منا الشجعان....

صلاح مين ؟؟ صلاح الدين لقب اشتهر به .. زى المعتصم بالله والمنتصر بالله اما اسمه الحقيقى يوسف .. فلو هتقول قول صلاح الدين او يوسف

فها هو الدكتور الكبير مصطفى محمود من اكثر من تحدثوا في كتبهم ومقالاتهم عن المهدي المنتظر فتوجهت اليه وسألته عن المهدي فقال((لا يعلم بموضوع المهدي احد وكل الكلام الذي قيل عنه مشكوك فيه ))

اي ان كل الاحاديث التي ذكرت المهدي لم ترقى لمستوى الصحه المطلوب رغم انها من كثرتها بلغت حد يقارب التواتر

ومن ناحيه اخرى لقد ذكر الله تعالى المهدي في القرأن الكريم في اوائل سوره الإسراء ذكره الله تعالى بصفته لا بإسمه فقال تعالى اعوذ بالله من الشيطان الرجيم بسم الله الرحمن الرحيم (( وقضينا الى بني إسرائيل في الكتاب لتفسدن في الارض مرتين ولتعلن علواً كبيرافإذا جاء وعد اولاهما بعثنا عليكم عباداً لنا اولي بأس شديدفجاسوا خلال الديار وكان وعداً مفعولاً ثم رددنا لكم الكرة عليهم وامددناكم باموال وبنين وجعلناكم اكثر نفيراً إن احسنتم احسنتم لاانفسكم وإن اسأتم فلها فإذا جاء وعد الاخره ليسؤا وجوهكم وليدخلوا المسجد كما دخلوه اول مره وليتبروا ما علواتتبيراً )) صدق الله العظيم

واخيرا وليس اخرا

ارجو منك الرد من منزل اثباتات وليس تشكيك
فان شككت فلتثبت وبقوة

واخيرا وليس اخرا
(طوبى لمن ترك الجدال ولو كان محقا ) <<<قول المصطفى عليه الصلاة والسلام فكان كافيا ان تقبل نصيحتي وترد على كاتبة الموضوع