من طرف 
إزيكم
طبعا صورة غريبة .. المهم العيل دة عندة 4 سنين .. والمفعوصة دى عندها 3 سنين
يعنى عمرهم على بعض 7 سنين ... برضو عيال
دول اتخطبوا لبعض ... قولتولى ليه .. الواد .. ولد على 9 بنات
والبت اخر العنقود .. يا ضنايا
العيل دة ابوة جابله شبكة ب8 الاف جنية علشان يديها للمسخوطة دى
يالهوى عليا .. حسبى الله ونعم الوكيل
ومش بس كدة الخطوبة كانت فى ساحة كبيرة تقريبا امتدادها 1 كيلوا متر وبطولها
بلونات واضواء وعوالم وليلة
اراهن لو سئلوا العيل دة وقالوله ليه خطبت .. هيقولهم حاجة من 2
انا خايف من الفتنة
او
اصل انا هلست كتير وعايز استقر
يالهوى علياا .. انا كدة بورت خلاص .. قطر الجواز فاتنى يا ناس ..
.. وادينى عجزت .. والشباب ال عندهم 4 سنين بيتجوزا
هههههههههههههههههههههههههه
بقول لكل اللي عدى ال15 سنة
قطار الجواز فاتكوا ... روحوا دار مسنين احسن .. او ازهدوا فى الحياه بقا خلاص
بس يا ترى أهلهم عملوا كده ليه ؟؟
عشان حاجة معينة ؟؟ ولا لمجرد الشهرة ولفت الأنظار ؟
ولا يمكن عشان مسألة ميراث ؟؟
أصل الواد على 9 بنات
ما شاء الله .. أكيد الواد ده هيقش كل حاجة ههههههههههههههههه
وبعد ما شفتوا الصور دي .. ياترى إيه قولكم
فاتكم القطر ولا لسة
